Манай систмемд шинэчлэлт орж байгаатай холбогдуулан тодорхой хэмжээний техникийн саатал, асуудал үүсэх тул хэрэглэгч та бүхэн хүлээцтэй хандана уу.
Хүндрэл учруулж байгаад хүлцэл өчье.

FAQ


Freight.mn яаж ажилладаг вэ?
Бид Монголын тээвэр зохион байгуулагч Зуучуудыг нэг платформ доор цуглуулан таны цаг завыг хэмнэх үйл ажиллагаа явуулдаг. Таны илгээсэн асуулга бүх Зуучид асуулга болон очих бөгөөд Зуучууд үүнд тохирсон тээврийн хөлсийг санал болгож, та үнэ харьцуулан сонгож хамтран ажиллах зарчмаар ажиллана.

Хэрэглэгчээр бүртгүүлэн хэрэглэглэхэд үнэ төлбөртэй юу?
100 хувь үнэгүй

Үнийн саналын хүчинтэй хугацаа гэж юу вэ?
Зууч үнийн саналыг тодорхой хугацааны интервалтайгаар тээвэрлэгч болон хамтран ажиллагч агентуудаас авдаг. Энэхүү хугацаанд амжин ачааны захиалгаа өгч, тээврээ эхлүүлвэл тухайн үнийн санал хүчинтэй байх хугацаа.

Аюултай ачаа гэж юу вэ?
НҮБ-с аюултай гэж үзсэн ачааг 9 ангилалд хамруулан 4 оронтой НҮБ дугаар олгосон байдаг. Уг дугаарыг Material Safety Data Sheet буюу MSDS-н 14-р бүлэг буюу тээвэрлэлт хэсгээс харж болно. MSDS-г танай ачаа илгээгч өгөх үүрэгтэй. Жишээ нь машины аккумлятор буюу Car battery UN2794, CLASS 8 гэсэн бүлэгт хамаарагддаг. Та энэ талаар дэлгэрэнгүй судлахыг хүсвэл дараах линкээр хандана уу: https://en.wikipedia.org/wiki/Lists_of_UN_numbers

Температурын горимтой ачаа гэж юу вэ?
Ачааны хадгалах, тээвэрлэх горимд тодорхой хэмд хадгалах, тээвэрлэх шаардлагатай гэж заасан бүх төрлийн ачааг хэлнэ. Жишээ нь Монгол зарагдаж буй ОХУ-н зайрмагнууд зуны улиралд хөргүүртэй машинаар тээвэрлэгдэн ирдэг. Тухайн ачааны тээвэрлэлтийн горимыг зөрчих эсэх нь таны шийдэх асуудал бөгөөд халах, хөлдөхөд асуудалгүй гэж үзэж байгаа нөхцөлд үүнтэй холбоотой эрсдэлийг та өөрөө хүлээнэ гэсэн үг.

Импортын гаалийн бүрдүүлэлтийн үйлчилгээ гэж юу вэ?
Таны ачаа тээвэрлэгдэн ирээд ямарваа нэг Гаалийн хяналтын бүсэд байршдаг. Гаалийн хяналтын бүс нь хуулиараа МУ-н нутаг дэвсгэр биш буюу Гаалийн нутаг гэж үздэг бөгөөд гаалийн бүрдүүлэлт хийснээр та МУ-н нутаг дэвсгэрт буюу зарж борлуулах эрхтэй болно. Уг үйл ажиллагаа нь гааль өмнө нь хийж байгаагүй хүний хувьд нилээн ярвигтай бөгөөд зарим Зуучууд уг үйлчилгээг үнэтэй/үнэгүй санал болгодог.

Хаалганд хүртэлх хүргэлт гэж юу вэ?
Тээвэрлэгдэн ирсэн барааг Гаалийн хяналтын бүсээс танай агуулахын хаалга хүртэлх тээвэрлэлт гэж ойлгож болно.

Манай компаний импортын татан авалтын нууц хэрхэн хамгаалагдах вэ?
Та сонгосон Зуучтайгаа хамтран ажиллах гэрээ хийх учраас тухайн гэрээнд энэ талаар заан өгч оруулж болно. Freight.mn-ний зүгээс танай илгээгч, хүлээн авагч болон худалдааны ямарваа нэг мэдээллийг шаардахгүй

Тээврийн хөлс буюу тээврийн зардлаа би хэнд төлөх вэ?
Та сонгосон Зуучтайгаа хамтран ажиллах гэрээ зайлшгүй байгуулах шаардлагатай бөгөөд тээврийн зардлаа уг гэрээнд заагдсаны дагуу Зууч компанидаа шууд төлнө

Сонгосон зууч маань сэтгэлд хүрэхгүй/хүрэх үед яах вэ?
Та сонгосон зуучийн талаар тухайн тээвэрлэлт дууссаны дараа 1-5 буюу одоор үнэлгээ өгч болно.